رن الجرس....
قمت و فتحت....
كعبلنى ظرف....
كان مرمى تحت....
بفتح لقيت فيه ورقه فاضيه...
بس الغريب... فيه امضا تحت....
انا قلت يمكن واحد ظريف....
عايز يهزر هزار سخيف....
او واحده حلوه عينها منى...
اكمنى واد... حلو و خفيف...
واقفه تشوفنى لما اعدى....
و اما تفوت جنبى تهّدى....
حلفت يومها عالمصحف بيدى....
لاغسل سنانى و البس نضيف.......
13 comments:
حلوة بجدددددددد يا مصطفي
لذيذة جدا
فتحت المدونة فتح
لاناوي ذم ولامدح
حلف عليا الكيبورد
وحروف التيكست والوورد
اجيلك في عصرية وطراوة
واجيب معايا عيش وحلاوة
وأقرأ كلام اخر نقاوة
واقول ياسلام أما براوة
على قعدة مصطبة وفرش
يشجينا عمنا درش
allah 3aleek ya 3am 7assan.......dnta kda 7at23dna f betna b2a ya 3am :D.......alf shokr ya m3allem
جميلة جدا بجد يا مصطفى
عجبتنى اوى بسيطة ودمها خفيف جدا
نجلاء
ايه الأحرج ده يا مصطفى ما كان من الأول يا عم
ههههههههههه
تحياتى
ما من الأول خليك نضيف ياعم
المهم فيه نتيجة؟؟ يعني بعد ماعملت كده حد قالك حاجة؟
يعني لو لاقيت ظرف مقفول تحت الباب ادخل اغسل سناني؟؟؟؟
كلام لذيذ وخفيف ربنا يزودلك الظروف المقفولة ....
انت كدة فكرتنى ببداية معرفتى بيك .. وقد ايه كنا متشوقين نشوف بعض انا وانت .. اشطة يا برنس الليالى
يا شاهين بيقولك واحدة حلوة عنيها مني
تقوله بتفكرني باول معرفتنا
هههههه
الف شكر لكل الناس اللى شرفونى بتعليقاتهم.....و احب اطمن الناس ان موضوع اللبس و غسيل السنان عمل معايا احلى شغل و بنصح بيه كل شاب و كل فتاء.....سلامو عليكو
ظريفة أوي أوي
باقي قاصايدك كمان حلوة اوي أوي
:)
حلووووووووووووة
اووووى
بجد
تسلم عليها
تحياتى
لا مش ممكن
هايل
Post a Comment