معاني...
حلم؟
يعني فكرة من الوف
يعني تتحدى الظروف
يعني طريق مرسوم بسهم
-------
صح؟
كلنا صح مادام بجد
اصل ده مش ملك حد
بس الشاطر اللي ينجح
------
مبدأ؟
يعني طريق منه تبدأ
يعني لازم تكون مصدق
انك تقدر تحلم تحقق
-------
خوف؟
من ايه وليه واشمعنى
هي الحياة يبقالها معنى
من غير ما اشوف
------
عيب؟
سيبك يا عم ده عبط
لو عشت خايف م الغلط
هتفضل على طول غريب
------
دموع؟
يعني ضعف يعني يأس
وعشان تبقى عارف بس
كل الدموع نقطة رجوع
-----
حزن؟
اياك في يوم تسلم له
لو راح م الفرح ضله
راح يرجع تاني ويحن
------
صعب؟
كل حاجة بتيجي ع المهل
لو انت عايزه هيبقى سهل
بس لازم تتعب
-------
جراح؟
هو مين عايش مرتاح
بس كلمة السماح
بتخلي الحياة براح
------
الخوف م المقدر؟
يبقى البركة ف عم ريختر
زلزال مجهول المصدر
وهو ده الاخطر
احمد مصطفى
