Monday, March 9, 2009

رباعيات

افهم بقى يا قلبى ان الفراق ده قدر
سلم يا عقلى...من البعاد مافى مفر
بدل البكى عالجراح
ابكى على حب كبير راح و اتهدر
*****
*****

ان كان عذابى فى قربى منك
اهو زاد عذابى ببعدى عنك
عذاب بعذاب...
فى قلبى شايل صورة منك
*****
*****

لا هاقول كلام تانى ولا هاعيد
ولا ناوى اتعب من جديد
و مهما فـ يوم ما هايجيى قلب
عن اى حب... هابعد بعيد
*****
*****

بحاول انسى ان الفراق سايب فينا جروح
و ان حتى لو رجعنا هاتزيد مابينا شروخ
هو ده عقلى والا قلبى اللى مش قادر
والا انا باكابر.... والا دى حلاوة روح
*****
*****
-------------------------------

ادينى كبرت و عدت السنين
و بكرة هاكون احد و عشرين
طلعت و نزلت و رحت و رجعت
و لسه نفسى اعرف... انا رايح فين
*****
واحد و عشرين سنة
ده هايبقى عمرك و عمرى انا
طب وحيات شعرك اللى ابيض
اسكت...مش ناقصة عكننة
*****

فاكرنى هاقتلوا...
 او اقفل عليه بقفل...
لو حتى ميت سنة...
جوايا عايش طفل
*****

فرحة و ميلاد و سبوع
طرق كتير و فروع
مهما تطول الحياة
دفنة و جنازة و دموع

9 comments:

Heba said...

فاكرنى هاقتلوا...
او اقفل عليه بقفل...
لو حتى ميت سنة...
جوايا عايش طفل
**
ديه احلى واحده فيهم

تانى هقولهالك اقرا كتير يا معتز

Ehab said...

ادينى كبرت و عدت السنين
و بكرة هاكون واحد و عشرين
طلعت و نزلت و رحت و رجعت
و لسه نفسى اعرف... انا رايح فين

****
في الجون
بجد في الجون

tota said...

افهم بقى يا قلبى ان الفراق ده قدر
سلم يا عقلى...من البعاد مافى مفر
بدل البكى عالجراح
ابكى على حب كبير راح و اتهدر

وعجبى!!!

مي الحلواني said...

معانيها حلوة قوى بس محتاجة تتظبط شوية

وأكثر واحدة عجبتنى هى رقم 6

جميلة قوى ومتظبطة حلو

GOGO_GEO said...

بجد حلوة اوى تسلم ايديك
وعاوزين نشوف غيرها
بالتوفيق

GOGO_GEO said...
This comment has been removed by the author.
Abu Shahin said...

فاكرنى هاقتلوا...
او اقفل عليه بقفل...
لو حتى ميت سنة...
جوايا عايش طفل


دى مجرمة على فكرة
بس هاقتله كده مش هاقتلوا
بيس

ميرام said...

الله
حقيقي حلوين
أنتظر الجديد
تحيــــــاتي

Mostafa said...

ya ged3an akher wa7da gdma gdn