Monday, June 1, 2009

من غير مناهدة

الجاي مش أد اللي راح؟

وللا اللي جاي أكتر؟

الشاش على أد الجراح؟

وللا الجراح أكبر؟

لسة معاك ف المحفظة.....

اللي يقضي دور كمان؟

وإفرض يا حلو خسرتهم؟

أخسر لكن مبقاش جبان...

والعب بأخر فيش معايا....

والزهر مينصفنيش كفاية...

واجي يادوب قبل النهاية....

الحظ يمشي على هوايا.......

و ارمي الجنيه يرجع كتير....

وارمي الكتير ...يرجعلي أكتر....

وف لعبة واحدة الفيش يطير....

و أطلع ف أخر الدور مقشفر .....

وأفضل كدا طالع ونازل...

على كل طاولة أفوت شوية...

ومرة واحدة الدنيا تسكت...

صاحب المكان.... ينده عليا....

ويقوللي ها....نفسك ف إيه؟...

أسكت...واتهته....و أقول رضاك...

يقول تعبت وللا إيه؟....

أقوله خدني أفضل معاك...

يحضني جامد مرة واحدة....

واللي خسرته ف ألف دور....

يديهولي ف ضمة واحدة ....

يرمي جوا قلبي نور....

ألقى كل حاجة.. غير...

ألقى كل حاجة.. خير....

ألقى نفسي زي طير...

عاش.... ومات.....

من غير مناهدة

........

مصطفى

26 comments:

Anonymous said...

يا مصطفى يا مصطفى
كلامك اتحفر جوايا وبيلف ويدور ويتوغل وينتشر ويوصل لابعد نقطة فى اعماقى
مش عارفة اوصف مش قادرة اكتب تعليق بحجم احساسى بالكلام
صحيح انا قارئة جيدة وكل يوم لازم اشوف حاجة جديدة تعجبنى
بس الموضوع هنا تخطى حدود الاعجاب ووصل لمركز الاحساس عندى ومن ساعتها مش عارفة ابطل اردد كلامك جوايا بقى عامل زى صدى الصوت حتى وانا نايمة بلاقيه بيدور فى دماغى
ربنا يكرمك على قد ما ادتنى احساس مش قادرة اوصفه او اعبر عنه
ربنا ما يحرمنى منك

مها العباسي said...

الله بجد
مش لاقيه تعليق غير تسلم ايدك

محمد حويحي said...

ألقى نفسي زي طير...

عاش.... ومات.....

من غير مناهدة

aidy said...

دى اول زيارة ليا هنا للمدونة

بجد جميلة اوووووووووووى

وعجبتنى اوى الكلمات دى

سلسة وبسيطة واسلوبها رائع

واهم ما فيها انها معبرة

تحياتى

hend anwar said...

كلمات رائعة تسلمى

رحلتنا في الحياة said...

الله جميلة جدا

Anonymous said...

تعالوا نسأل أحنا ليه



ماشين مفيش فى بالنا ألا الجنيه



وتفتكر الجنيه راح يعمل أيه



فى أحتياجاتك يا بيه







الواد نايم معيط



والبت منتظره الجهاز



والزوجه مش بتبطل كلام







جارتها بتاكل حمام



وجوزها الراجل الهمام



عازمها على ديفيليه



وجاب لها فستان سواريه



وأنت يا غلبان



لسه بتفكر فى الجنيه ؟؟



وكأنه حلم من بعده هينادوك يا بيه



وناسى ان الجنيه



يادوب تمن موس حلاقه



لدقنك اللى بتصرخ حرام



مش طايقه وشك دا أنتقام



تعال اقولك تعمل ايه



متفكرش فى الجنيه



ولا تشغل بالك بالجيران



ولا حتى تسأل فى جيبى كام



أجتهد وعلم ولادك تسعى



بس عشان متتكررش القضيه



ألغى تفكيرك فى الجنيه



وعندك اليورو الجميل والدولار الأخضر السليم



عارف سكتهم ايه ؟؟؟؟



عند جولد فينجر حرامى البنوك



وسيد شباطه سارق الصكوك



وعبده عيره حرامى العيال



وزينهم الكتع سارق الجمال



يا ترى رأيك ايه ؟



تسرق ولا بلاااااااااش يا بيه



ما بلاها حضور الديفيليه



طالما من بعده السجن فاتح



بأنتظارك مع كل سارح



أحمد ربك يا بيه



وكل ما تتصعب عليك



ارفع ايديك



واطلب من ربنا يعينك



وفى الجنه مش بالجنيه



هتعيش مستمتع ياااااااا بيه

Anonymous said...
This comment has been removed by a blog administrator.
Anonymous said...
This comment has been removed by a blog administrator.
Anonymous said...
This comment has been removed by a blog administrator.
Anonymous said...
This comment has been removed by a blog administrator.
Anonymous said...
This comment has been removed by a blog administrator.
Anonymous said...
This comment has been removed by a blog administrator.
Anonymous said...
This comment has been removed by a blog administrator.
Anonymous said...
This comment has been removed by a blog administrator.
Anonymous said...
This comment has been removed by a blog administrator.
Anonymous said...
This comment has been removed by a blog administrator.
Anonymous said...
This comment has been removed by a blog administrator.
Anonymous said...
This comment has been removed by a blog administrator.
Anonymous said...
This comment has been removed by a blog administrator.
Anonymous said...
This comment has been removed by a blog administrator.
Unknown said...

فنان يابنى يحميك لشبابك
عمك تايه

tayeeeh.blogspot.com

mona said...

ربنا يزيدك
انت فعلا موهوب يا مصطفى
اسلوبك رائع و لا اروع
MUSTAFA Goo0oo0oo0oo0oo ON :)

mona said...

ربنا يزيدك
انت فعلا موهوب و فنان و كلامك يدخل القلب
Mustafa Goo0oo0oo0oo ON:)

نادي حواء said...

كلمات جميلة

نادى الاخبار said...

موضوع جميل جدا
شكرا لك