Tuesday, January 29, 2008

الواد كان عنده حق.... اوعوا تقولولوه لأ


قاعدين ع الأرض ...حوالينا حاجات بالطول و العرض ....بنقول بسميلا معانا لا مؤاخذة حلاوة و عيش ....هنغمس حلو حياتنا بربع رغيف ملسوع ...و نعيش

اسماء ... zamzoom

مصر كلها بتاكل عيش و حلاوة... يعنى كلنا عايشيين فى سجن كبير و مع اننا بناكل عيش وحلاوة...انما العيشة بقت شبه خالية من الحلاوة و نقدر نقول بقت مرة خلاصو ربنا يستر علينا جميعنا ...و بنحبك يا ريس

معتز ...super maz

رغيف العيش..الجميل الصغنن ده..اللي كل ما يفوت عليه الزمن يصغر....اللي شايل همه الغلابة..هو ده ورا كل المآسي اللي عايشنها.."لقمة العيش"...اما الحلاوة..اللي طعمها حلو دي..اللي نفسك تدوقها ومش عارف تطولها..وهتفضل طول عمرك تدوّر عليها ...هي برده ورا كل المآسي اللي عايشنها..فبين العيش والحلاوة..وبين الحاجة اليومية والحياة الحالمة الصافية...كانت وكنّا بلوج"عيش وحلاوة"...احلى بلوج

احمد ... modhesh afandy

البلد دي ماينفعش ناكل فيها عيش .. البلد دي لو كلت فيها حاجة هتبقي عيش وحلاوة

مصطفي.... mostafa

ساعات بتطلب حلاوة اديها مشية علي الكورنيش... وساعات بكون متشعبط بجري علي لقمة عيش ولما بشوف الباشا جايبلي حتة بغاشة بعرف انها طلبت حلاوة مدفوسة في عيش

مي... azmeralda

العيش الحاف لوحده طعمه عامل زي الليلة الضلما في عز طوبة، والحلاوة لوحدها طعمها عامل زي الشمس الحارقة اللي بتلسع في عز بؤونة ... اخلطهم على بعض كده يطلع ساندوتش حلاوة طعمه عامل زي ساعة العصر في الخريف ... والحكاوي بقي مابتحلاش غير في ساعة العصر ديه ... لذلك أهلا بيكو على دكتنا في ساعة العصر ... وكل واحد هياخد سندوتش حلاوة هدية عشان نبقي كلنا مع بعض عيش وحلاوة

سمية ... somaia

مش احنا اللى بنمشى جنب الحيطة عشان ناكل عيش .. إحنا بنمشى ف وسط الشارع .. عكس السير .. عشان ناكل .. عيش ..........وحلاوة

أحمد شاهين

10 comments:

modhash afandy said...

مش عارف ليه عندي احساس اني عايز ازعرط

Mr Vido Dido said...

congraaaaaatulations ppl for this delcious blog :d u r best of best in this field....como` let`s rock the blogspot :d..once again gongratulation....best of luck to u!

Somaia said...

لولولولولولولولولولولولولولولوي
ماتخلش نفسك في حاجة أول يوم بلوج كده

SuPeR_mAz said...

يالهوى يا جدعااااااان....الابتسامة من الودن للودن
والله ماعارف اقول ايه...بس انا منشكح جدا جدا و مشرئب اوى من كتر الانشكاح
و ان شاء الله هانروك البلوج سبوت و هانزغرط و نقول كل حاجة و اجدع سلام بلدى لاحسن افتتاح لاحسن بلوج فيكى يا جمهورية دبيلو دبيلو دبيلو دوت كوم و سمعنى سلام اصحى يا منطقة و سلام الواد كان عنده حق و ربنا يوفقنا و يستر علينا و السلام عليكم و رحمة الله و بركاته

azmeralda said...

ايه يا جدعان الحلاوة دي... بعد انطلاق مدونتنا بثمان ساعات بس النت يضرب في المنطقة كلها... ده ان كان يدل علي شئ انما يدل علي ان احنا نختلف عن الاخرون خالص ... خالص مالس بجد ... يا جدعان ده احنا نقفلوكوا النت ده جمعة وسبت واي خدعة بقي... انتظروا مفاجاءات اصدقاء البورش

Somaia said...

اوعي من زعلنا زعلنا وحش
أي حاجة تحصلنا بعد كده احنا بنحذر هنعمل سايت بقي مش بلوج بس وشوفوا انتو بقي لما البلوج قفل النت في مصر واسيا السايت يعمل ايه ده ممكن يلغي النت من العالم أصلا ونعود لعصر الراديو ساعتها هتلاقةنا عاملين برنامج برده يعني وراكو وراكو

Anonymous said...

sokar ...7elwa l donya sokaaaaar ....3la ra2y samir sabry ....blog shaklo haykasar l donya kedaho .....ta7'....tata7'...tata7'ta7'....
zamzooma

Anonymous said...

fe3lan l wad 3ando 7a2 ....l blog haykasar l donya isA ....mabrook 3aleeena ya 3yal ....
zamzooma

Noha El-arabi said...

الف مبروك علي البلوج
بيس و تحياتي علي اجدع شباب في مصر المحروسة

Anonymous said...

3ESH W 7ALAWAA!!!nice nice nice...
el 3esh asmar we el 7alwa msakar we el 3omr bygry we7na bnet2a5ar..bn3'ames el 3esh bel7alawa wlama msh bnla2ehom bno3od net7asar...