Monday, February 4, 2008





مين اللي قام وانتفض؟



مين فينا ثار؟



مين اللي راضي الليل يطول؟



مين اللي قال انسوا النهار؟



مين اللي شاف فينا البنادق..؟



مين اللي شاف حفر الخنادق..؟



مين اللي شاف بُنى الجدار؟



مين اللي راضي لغزة الموت؟



مين اللي خارس كل صوت



عايز يثور.. يمحي الدمار؟



مين اللي قاتل فينا العزة؟



مين اللي رافض ينصر غزة؟



مين اللي شاف هدم الديار؟



شايف الموت و الحصار؟



ومين اللي قام وانتفض؟



مين فينا ثار؟



مين اللي قال ينفع سلام


..
مع احقر الناس اللئام..



مع اليهودي الغدار؟



نضمن له بيه الانتصار


..
يضمنلنا بيه المرار..



مين الضعيف فينا ومين الجبان..



و اترمى ف حضن الامريكان؟



مين اللي قال مالناش خيار؟



مين اللي شاف صورة الشهيد..



مين اللي خاف يخدله تار؟



ومين اللي قام وانتفض؟



مين فينا ثار؟



مين الي شاف دوسة زناد؟



وحرّم قصادها الجهاد؟



مين اللي راضي بالانكسار؟



مين اللي شاف مستوطنات


..
مين اللي التزم السكات..


وانكتم ولا خد قرار؟



مين اللي قال نصبر مين؟



ع السفاحين والسجّانين؟



مين اللي ورا الستار؟



مين اللي راضي الليل يطول؟



مين اللي قال انسوا النهار؟



ومين اللي قام وانتفض ..



مين فينا ثار؟

6 comments:

azmeralda said...

كل مين معروفة اجابتها يا اخ مدهش ... بجتحفة والي الامام ... ده احنا انطلقنا خلاص

Anonymous said...

حلوة اوي حكاية مين فينا شاف الدمار و بني الجدار و طلق الرصاص و الحصار .....الكلام بيحسس الواحد انه اعمي و مش شايف مهما شاف ....الي الأمام يا احمد افندي

SuPeR_mAz said...

ماشاء الله يا احمد....كما توقعت على فكرة...و زى ماقالت الزميلة ان كل مين...للاسف معروف هو مين...و الله اعلم هانعمل حاجة عشان نغير المين و نمحى اسئلة الاستنكار و نبدأ فى مدح الافعال ولا هانفضل عايشين كده

Anonymous said...

ماشاء الله يا ابوحميد حاجه جامدة جدا
كل قصيدة احسن من اللى قبلها
الى الامام دايما باذن الله

Mostafa said...

3la fkra enta 7atet swar el bhayem na2seen wa7ed....aham wa7ed 3la fekra :D

Somaia said...

طب احنا بقي مين؟؟
قريتها بتاع 125478 مرة كده ولا حاجة كل شوية أفتح البلوج أقراها