Saturday, April 19, 2008

20-4-2008...راشد







21سنة
وخلاص بقيت راشد
ومادام بقيت راشد
فكل شيء وارد
وارد اكون أغبى
واعيد نفس المشاهد
ويفضل خوفي بيني
وبين الحلم باعد
وافضل مقسوم لاتنين
معرفش اكون واحد
من برة متلون
من جوه اكون باهت
او اكون ذكي حبة
والملم الشارد
واعيد كل قصة
وآخد منها الشاهد
وابطل اسخن بسرعة
واحاول اكون بارد
واخاف على نفسي حبة
و ابطل اقرا جرايد
و اشق ليا طريقي
ولحلمي اكون معاند
ومهما اشوف صدمات
تعدي شيء عارض
واكون كده جامد
كل ده محتمل
كل ده وارد
لكن انا هعمل ايه بقى؟
لسه مش عارف
مع اني بقيت راشد
احمد افندي

5 comments:

Noha El-arabi said...

سمعوني تصفيق حار للراجل ده
جامد جدا
يا ريت بأ تقولي نبطل نقرا جرايد و كتب و نبأ باردين ازاي عشان الواحد لسة مكمل ال 21 سنة قريب برده

Anonymous said...

ايه يا فندم الجمال ده
وحياتك هو ده اللى بيحصل فعلا
ولا بتفرق خالص راشد من غير راشد
كلها مشاهد مكررة ومعادة وسخيفة
بس انت جامد بجد
تحياتى

Ahmed Mostafa said...

والله يا نهى لو خلصت من الجرايد مش هخلص من العاشرة مساءا

ويا استاذ......؟
عندك حق ولا فرقت في حاجة

Abu Shahin said...

الله عليك وتسلم ايديك يا عم الحاج

كل سنة وانت طيب

على كده انا اقولك يا عمو

Anonymous said...

انا مش استاذ انا استاذة المفروض تعرفىنى لوحدكم

انا عيش حلاوية برضهnaglaa