علمتينى يا بلدى كتير
و حرّمتينى عليكى أغير
يوم تجيبى الاولانى
و شهر راجعه مارشدير
علمتينى أبلع لسانى
و أبقى نبوت الغفير
علمتينى اموت مكانى
و يعيش الباشا الكبير
اصل الباشا دا عمله نادره
نادره من النوع الخطير
نادره تطلع ديك ابونا
نادره تخلى الديك يطير
ياللى قلت مصر قادره
و ان الضربه بايدها هادره
مصر يا عم الحج قدره
قدره فيها فول كتيييير
مصطفى
10 comments:
هههههههههههههههه
فعلا مصر قدرة فيها فول كتير
بس فيها سوس اكتر
كل الفول بقى مسوس
والشوية الحلوين
مش عارفين يغطوا على السوس الكتير
هايل والله
تحياتى
نجلاء الاباصيرى
ابتسم انت مصري
و قوم يا مصري مصر دايما بتناديك بس انت بتستهبل
خد بنصري و قوم كل الفول كتيييييييير
جميل يا مصطفي
قدرة حبنااا
نادرة من النوع الخطير
تسلم يا مصطفى
انت مجرم بجد
حلوة جدا جدا
alf shokr leeko ya gma3a w rbna yrfa3 m3nwyatko dyman isa
fazeee3a ya 3am el 7ag mostafa ...kal3ada gamd
it is very special
سامحينى يابلادى
ياشئ كبير ومش عادى
ياطير محبوس وبينادى
ياغنوة تاه معناها
وسط الغيطان بنلقاها
يادنيا كلها الوان
فى عيونا دايما انسان
شبابك يابلادى زى الفرسان
هدفهم دايما تصليح المكان
عاوزينك تكونى احلى مدن الاسلام
عاوزينك زهرة تعطر بالايمان
اوعى تخافى يابلادى هنرجع زى زمان
هنكسر كل قيود الطغيان ونادى فى كل مكان
(انقذو بلادى ياجدعان)
انقذو ارواح بتروح فداء وشباب بيموت فيه الايمان
اطلقو سراح الحريه وانشروها فى كل مكان
ارفعو الغلاء عن رقاب كل انسان
سيبو الناس تتكلم بدل ماتموت من الكتمان
سيبو الشباب يعمر وينشر الخير فى كل مكان
سيبو مصر تكون مصر وابعدونا عن سياسه الامريكان
شبابك يامصر بيحبك وكتير بيقولك
مصر ياام ولادك اهم شبابك علشانك شال الهم
مصر يامثال للطيبه والحنان يامجرى الدفئ والامان
مصر يااحلى غنوة فى قلب كل انسان
ويكفينى انى اقولك بحبك يامصر مهما كان
سلاام
Post a Comment