Saturday, April 26, 2008

Adidos

Adidos
قصة قصيرة


ذهب فى الصباح الباكر كى يستلم البضاعة .. وبدأ فى رصها على رصيف رمسيس بسعادة كالتى يرصع بها فنان تاج ألماسى فاخر .. وبدأ فى استقبال زبائنه القادمين من الاقاليم و أحياء وسط البلد الفقيرة .. بدأ ينادى على الناس لـ ( الفرجة ) على الملابس ..فكان أول الزبائن طفلا فى السادسة من عمره يتجول مع ابيه وامه .. فخطف نظره قطعة من تلك التى على الرصيف .. كُتِب عليها بحروف رديئة تقليد لماركة عالمية .. فتعلق الطفل بيد أمه كى تقنع أباه أن يشترى له تلك القطعة .. فاسترعى انتباه الاب تعلق ابنه بتلك القطعة .. ففكر الاب قليلا .. ما المانع من ان ابتاعها له .. ( وأهه يقضى بيها العيد بالمرة ) فهى زهيدة الثمن لحد بعيد .. كما إنها ستمنع عنه الضيق والحرج الذى يلازمه مع دخله كل فصل جديد بسبب الملابس التى صَغُرَ مقاسها على ابنه بسبب نموه المتسارع.. فيود كل اول عام لو توقف نمو ابنه قليلا كى تلائمه ملابسه القديمة .. ثم يغير تفكيره .. فيجذب ( كُم ) القطعة التى يرتديها ابنه كى تغطى الجزء المتكشف من ساعده .. ولكن سرعان ما يرجع الـ ( كم ) اللعين كاشفا عن ساعد ابنه ... إلى أن تاتى الام المدبرة لعمل ( إسورة ) لـ ( كم ) تلك القطعة .. حتى وإن كان بلوفر.. فانه لن يسلم من تلك الاسورة والتى فى أغلب الاحيان تكون بلون مختلف عن باقى القطعة الاصلية .

رجع الرجل وزوجته وطفله الى البائع .. فاشار الطفل الى القطعة التى اعجبته .. وعيناه تشخص على الماركة المقلدة فرحا .. دارى نفسه خلف عمود من أعمدة كوبرى 6 أكتوبر وبدأ يقيس القطعة .. غمرته السعادة حين ناسبته القطعة .. فذهب ليريها للاب .. فاظهر الاب الامتعاض من النظرة الاولى .. ثم وجهه كلامه للبائع .." مافيش عندك مقاس أكبر" .. فيرد البائع .. "لا والله الحتت بتنزل مقاس واحد ".. فتسارع زوجته لترد .. "ماهو على مقاسه أهه ".. فيرد الزوج .. "عشان تنفعه السنة الجاية يا فالحة" .. يدارى الابن نفسه خلف عمود من أعمدة كوبرى 6 أكتوبر .. ويجهش بالبكاء .



أحمد شاهين
القاهرة
ديسمبر 2007

10 comments:

Somaia said...

مش هو بس اللي أجهش بالبكاء

Anonymous said...

ايوه فعلا يا سمية مش هو بس
دايما جميل ياابوشاهين
لقطة جميلة جدا ومعبرة بالرغم من قصرها لكن قالت كل حاجة
وجسدت حاجات كتير
تسلم يا فنان ياانسان
naglaa

Noha El-arabi said...

اوعي
ازيك يا احمد اسكت ايه اللي انت كاتبه ده تسلم ايدك حقيقي و تخيل معايا و تصور ان انا اللي باقول الكلام ده و مش بيعجبني اي حاجة بالمناسبة
شوف با يا باشا كانت عاوزة تطول شوية و في نفس الوقت ابعد شوية عن الاسلوب الخبري في روايتك ليها يعني حاول تبأ الجمل ملفوفة شوية
حد سالني عن رايي؟؟؟
لا بس انا باقوله عشان حلوة جدا و احساسها عجبني
اي خدمة متؤمرش بحاجة تانية؟؟؟

ahmed afandy said...

انا قريتها كتير جدا على فكرة
من ايام ما كانت معايا
وكل مرة اقراها ..اتأثر جدا
تسلم ايدك يابني
بس ياريت تشوفلها صورة

zamzooma said...

7asa eny 3aiza atabtab 3aleh...mo2athera 2wy ya shahin ..

Abu Shahin said...
This comment has been removed by the author.
Abu Shahin said...

اولا منك لله يا ست سمية اللى نزلتى القصة دلوقتى مع انى كنت ناوى اكتبها تالت وكنت لسه هاختار لها صورة وكمان قطعتى الخط اللى انا كنت ماشى فيه ف المدونة ع العموم حصل خير .. ده انتى هاتشوفى ايام يا سمية .. ماشى

ع العموم شكرا اوى لكل واحد علق واتفاعل مع قصتى المتواضعة.. شكرا للاخت سمية شكرا يا ستى.. وشكرا لامى الجميلة نجلاء ..و لنهى وبجد انا باستفيد منك اوى يا نهى وماتبخليش عليا بنصايحك الجميلة وشكرا ليك يا احمد وشكر كبير لاسماء والف مبروك علشان الكمبيوتر اتصلح

Abu Shahin said...

وعلى صاحبة اقتراح الصورة المؤثرة المعبرة بجد عن القصة .. صديقة البرنامج قصدى المدونة العزيزة .. بلدياتى نهى العربى .. شكرا يا نهى

Anonymous said...

shoft ya 3abdel ra7man , sob7an allah lessa ba2olak men 3 hours keda life is Unfair we we7sha we enta te2oly la2 dy kewayesa ,shoof kemeyet el bo2s elly fel qessa ya a5y :S


Ur Friend:
IonFox

Abu Shahin said...

وانا رديت عليك ساعتها وقولتلك ايه

الحياة لازم تتاخد على بعضها
لوكشة واحدة

سعيد اوى بتعليقاتك دى يا زيزو