Friday, June 13, 2008

افهم بقى



ايووووة ..
بص لي بعيوني مبرقة
هخاف انا بقى؟
علق لي حتى المشنقة
متعود اصلي على الشقى

عاشق معاني التريقة
وده مش كلام ولا بئبئة
لا طبعا خالص
ده لأنك غلط خايف
وعيونك تاية مقلقة
تتحامى مني بمطرقة
ولأني صح شايف
وعيوني لسه مصدقة
بلدنا شجرة مورقة
يمكن تكون متفرقة
لكن في يوم هتقوم بقى
ترفض عيشتها الضيقة
ونهارنا يبدأ شقشقة
افهم بقى..افهم بقى
احمد مصطفى

11 comments:

Mostafa said...

gamdaaa fa7t ya7amd :D

Anonymous said...

حلوة اوى يااحمد عجبتنى جدا
وجهة نظر من الاخر
تسلم دماغك
نجلاء

Anonymous said...

aywaaaaaaaaaaa
baladna hat2ooooom
ISA hat2ooooooom ba2a
yonsor denk ya a7md
a5ern 7d feko msh 3ayz yesafer :)

Ahmed Mostafa said...

alf shokr ya mostafa basha
enta elly gamed fa7t ya 3m
__________________
naglaa
rbna ye5liky motshker awi
3 l klan elgamed da
_________________
resalawy...noha
rbna ye5aliky..
hia hat2om isa
bs maw3edkesh b 7ewar eny masfrsh da : )

Anonymous said...

gamda walahy ya afandy yarab dayman keda temt3na by 7agat a7san we a7san

أية الشقية الشعنونة said...

الله يا احمد جميلة جدا
هو ده الشباب الصح اللى انا بتكلم عنه
مدونة عيش وحلاوة دى من اول المدونات اللى انا زورتها فى حياتى ما شاء الله
ربنا يديم عليكم النجاح والتوفيق
تحياتى

Sumaya Rabie said...

هخاف انا بقى؟

ده لأنك غلط خايف
ولأني صح شايف

لكن في يوم هتقوم بقى
ترفض عيشتها الضيقة
ونهارنا يبدأ شقشقة

أحلى كام جملة بجد هما دول هي كلها حلوة بس دول الأحلى على الإطلاق
انت ليه ماسميتهاش هخاف أنا بقى؟ كان هيبقى أحلى
ويسمع من بقك ربنا ان نهارنا يبدأ شقشقة عشان الليل طول أوي لدرجة ان الواحد قرب يصدق ان مافيش نهار تاني

vepoo said...

دي إن شاء الله مش هتقوم وبس .... هتقوم وتدوس فوق كل الي ظلموها .....
كلامك جميل دخلني في الموضوع على طول ...

Abu Shahin said...

بجد والله .. ينفع بقى

على فكرة أنا اول مرة اشوف قصيدة تفائلية من سنين

الله عليك يا احمد
واهم من القصيدة فعلا روح القصيدة التفائلية الجميلة
الله يا احمد

zamzooma said...

gamdaaaaaaaaaaaaa 2wy 2wy ...

azmeralda said...

3agabtny....awiiiiiii...bgd ya a7mad gamda