Saturday, June 28, 2008


قــــــــرار



عندما يقدم شخص _ أى شخص _ على اتخاذ قرار _ اى قرار _ فانه غالبا ما سيقع فى حيرة من امره فغالبا ما يكون للشخص رأيًا مخالفا لهوى معارفه و أصدقائه و أهله .. فيرى الشخص رأيه صوابا لا يحتمل الخطأ .. تماما مثلما يرى فريق الجبهة الاخرى بان رأيهم هو الصواب وما دون ذلك هو العبط بعينه .. فيقع متخذ القرار فى مأزق حرج .. فى حين تتباين تصرفات متخذ القرار إما شجاعا أو جبانا .
فالشجاع هو من يختلى بنفسه عند اتخاذ القرار .. يعرض الأمر كليًا على عقلة .. ويفكر بموضوعية تامة .. متخذًا من أراء الناس من حوله مجرد نصائح وإرشادات ليس إلا .. أى إنه غير ملتزم بتنفيذ أيًا منها.. ولكنه يفكر فيها بحيادية تامة ..وهو مقتنع تماما بانه لا أحد يحتكر الصواب .. ولا يوجد الشخص الحائز على خلاصة تجارب الحياة .. ولا أحد يعرف الطريق الصحيح من الغلط .. ولا يوجد ف الكون من يعرف المشكلة بأبعادها الكاملة أكثر منه .. لذا فالشجاع يكون قراره نابعا من نفسه بكل الصدق مع النفس متعاملا بحيادية تامة مع كافة النصائح الخارجية .. متخذا منها ما يراه هو فقط فى صالحه .. وضاربا بعرض الحائط ما غير ذلك .
اما الجبان .. هو من يترك نفسه عرضه لهوى غيره .. من يترك دماغه للأخرين كى يؤثروا فيها .. من يعتقد أن الاخر يفهم المشكلة بعمق أكبر منه وأن الاخر هو القادر على رسم الطريق الذى يسير عليه .. الجبان من يجعل الأخرين يعيشون حياته دون أن يعيشها هو .


طبعا تنتظر الان قارئى العزيز إذا كنت شابًا .. ممتلاً بالتمرد والثورة ان أريحك واخبرك بأن الشجاع هو دائما من يختار الطريق الصحيح .. واما اذا كنت قد جاوزت او تجاوزت مرحلة الشباب أو اصبحت مسئولا فانك تود لو اخبرك بان الطريق الثانى هو الصحيح .. وان الجبن فى تلك الحالة ليس الا لان الاخر يعرف مصلحتك اكثر منك وانك لا زلت لا تقوى على الاختيار بنفسك .؛ ولكنى اصارحك بان ايا من الطريقين لن يوفرا لك بالضرورة الاختيار الصحيح.. اشطة ؟!
ولكن ماذا سيحدث إن كان الاخيار خاطئا ؟؟!! .. اذا كنت قد تحليت بالشجاعة عند اتخاذك للقرار .. فانك ستتحلى بالشجاعة مرة اخرى وستعلن للجميع انك كنت مخطئًا حين اتخذت قرارك .. وستتعلم من خطئك ولن تختار مثل ذلك الاختيار ثانيا .. وستكون ساعتها قد ذقت طعم الخطأ اللذيذ .. ذلك الخطأ الذى يدفعك بعد ذلك دفعا مؤزرا للصواب .. وعدم الرجوع للخطأ مرة اخرى .
أما إن كنت لم تتحل بالشجاعة عند اختيار القرار .. فانك لن تعترف بالخطأ وستكمل المسير فى الوحل مكابرةً منك على الاعتراف بالخطأ أوستحمله للاخرين .. الاخرون الذين أرغموك على الاختيار.. وقتها سيتنصلوا منك أو فى أحسن الاحوال سيطيبوا خاطرك بكلمتين.. وقتها ستكون خرجت من التجربة بفشل و ألم وحسرة .
لذا عزيزى المشاهد – مين عزيزى المشاهد ده – كن صادقا مع نفسك .. واجعل قرارك نابعا من قرارة نفسك .. واعلم أن تلك هى حياتك التى اوجدك الله هنا كى تعيشها .. لا كى تجعل الاخرين يعيشوها لك .

أحمد شاهين
... 18/4/2008
السابعة مساءً
الاسماعيلية

9 comments:

Noha El-arabi said...

يا رب يبقي اول كومينت
يارب
الكلام طبعا مش حاعترض عليه
كلام موزون و اتمني تنفيذه لانها حتي لو حياتك حتلاقي كائنات طفيلية متطفلة متخلكش تعيشها بمزاجك
الصورة تحفة تحفة
و حلوة اوي حتة التاريخ و الساعة اللي اتكتب فيهم الكلام
محدثتك
نهي العربي من بيتنا من امام الجهاز
السادسة و الثلث مساءا

Anonymous said...

المشكلة مش فى كده يا شاهين المشكلة تعرف ازاى انك بتتخذ القرار الصح
تعرف منين انك عارف كل الابعاد
تعرف منين انك عندك الخبرة والدراية الكافية
انا مش قصدى اننا نمشى ورا غيرنا ده طبعا مش القصد من كلامى انا بطرح معاك ابعاد تانية لمشكلة اتخاذ القرارالمهم انك لما تاخد قرارك اى ان كان لازم تكون شجاع جدا فى تحمل نتايج الاختيار ده
لكن انك تبيع دماغك لحد او تبقى شىء اجوف ده الخطر الحقيقى فعلا
الموضوع ده جميل جدا وعايز كلام كتير وياريت تنقله على الجروب عشان ناخد وندى مع بعض فيه
المهم اننا زى ماانت قولت بالظبط يكون عندنا شجاعة التراجع عن الخطأ عند اكتشافه
تسلم الدماغ والتحليل ياابو شاهين يا دكتور امراض العصر المزمنة
نجلاء

Anonymous said...

This is the First Time to Read

Something U Wrote My Dear

Enta 3aref enny mesh bagamel

But Really That Was Fantastic, It

Has Been Long Time Since i Wrote Something Important , Something Serious.

And Especially After Our Little Talk About My Friend.

Anyway , it seems that i will hang around here alot ;)

GoodJob ya 7oby




Your Friend:
IonFox

azmeralda said...

جامد يا شاهين...عارف كنت لسه بتكلم في الحوار ده مع احدهم من كام يوم...ساعتها قلت حاجة كنت مقتنعة بيها...انتوا اتعلمتوا اللي اتعلمتوه ده ازاي؟؟...جربتوا وغلطتوا او علي اقل تقدير يعني شوفتوا قدامكوا حد جرب وغلط او جرب ونجح علشان كده بقت عندكوا الخبرة....التجربة فعلا اقوي طريقة تعلمك الصح من الغلط...حسيت ان من حقي اجرب علشان اتعلم انا كمان
صحيح مش كل حاجة تنفع التجربة فيها بس اللي التجربة فيه مش حرام يعني يبقي لازم ادووووووس

Mostafa said...

الحياه تجارب زى منتا عارف يابو شاهين.....مش احنا لسه قايلين كده امبارح يا عم :D
جامد كالعاده يا معلم
اتفقت مع الرجاله ولا لسه صحيح؟
عايزين نطبق المقال دا عملى بقى :D

Anonymous said...

أول كومنت مني بقى

كنت لسه بتكلم في الموضوع دا انهاردا

ان كيانك كله بيتشكل حسب قدرتك على اتخاذ قرارك و كمان تحمل العواقب الناتجة عنه

بجد الموضوع جميل جدا و انت عارف رأيي في كتاباتك من زمان

نهى ( توليب )

Abu Shahin said...

@نهى العربى
عجبتنى اوى الحتة بتاعة يارب يبقى اول تعليق دى .. ده على اساس طبعا ان التعليقات نازلة ترف:)
والواحد ياما ف حياته كائنات طفيلية بس الشطارة انه يفرملهم و مايخليهش متطفلين .. وبعدين بتتريقى عليا يا نهى .. ماشى :)

@العزيزة نجلاء
انتى عارفه المشكلة فى ايه بقى .. ان مافيش حد وهو بياخد قرار مهما كان الحد ده .. بيبقى عارف ان ده الاختيار الصح ولا لأ .. لكن اللى واقع ف مشكلة أو قدام اختيار بيكون هو الوحيد اللى عارف ابعاد المشكلة .. والخبرة والدراية مابتجيش الا من التجربة و الخطأ أو من النجاح .. وأنا هنا احب استعير جملة لاخويا الحكيم حاتم عبد الرحمن اللى مش فاكر بالظبط كان بيقول فيها ايه بس هى قريبة من .. ليست الخبرة هى ما يواجهه الانسان من صعوبات وتحديات .. لكن الخبرة فى كيفيه تصرفه حيال ذلك .. شكرا اوى يا أمى على ارائك الجميلة

@زيزو .. أيون
حبى ..ايه المفاجاة الجامده دى بس يا معلم
أنا اللى فرحان جدا انك قريت وقولتلى رايك الجميل شكرا يا برنس الليالى

@مى
طبعا كل واحد ليه حق التجربة والاقتناع بعد كده ان ده صح أو غلط ..وزى مانتى قولتى .. لازم ندووووووووووووووووس

@مصطفى
:) ماتخافش يا معلم .. أحنا اتفقنا خلاص

@نهى تيوليب
انا فرحان جدا بتعليقك ده ..لانه اول تعليق على المدونة هنا.. ولكنك دايما ماكنتيش بتبخلى عليا بتعليقاتك ونصايحك الهايلة .. وجميلة فعلا الحكمة اللى انتى قولتيها دى

وف النهاية أحب أقول لكل شاب وكل فتاة

كل اللى عايشين م البشر من حقهم
يقفوا ويكملوا
يمشوا يتكعبلوا
ويتوهوا أو يوصلوا
وإذا كنا مش قادرين نكون زيهم
نتأمل الاحوال
ونوزن الافعال
يمكن إذا صدقنا نمشى ف صفهم

الدنيا مالها ولا إحنا مالنا
ولا الزمان نسانا إيه جرى لنا
بقينا نحبس في الصدور سؤالنا
ونحسد الصادق على صدقه
ونقف بين العاشق وبين عشقه
نهرب من الصافيين إذا بكيوا
ونحسد الباكيين إذا ضحكوا

متمنعوش الصادقين عن صدقهم
ولا تحرموش العاشقين من عشقهم
وإذا كنا مش قادرين نكون زيهم
نتأمل الأحوال ، وندرس الأفعال
يمكن إذا صدقنا نمشي في صفهم

============

ولو مش هتحلم معايا
مضطر احلم بنفسى
لكنّى فى الحلم حتى
عمرى ما هاحلم لنفسى

لو كنت راح افتش
عن منصب ولا جاه
واصاحب الحذر
ده انا ابقى ماستحقش حلاوة الحياة
و ضحكة البشر
يا صاحبى يا صديقى
ياللى طريقك طريقى
ده انا يوم ما اعيش لنفسى
ده يوم موتى الحقيقيى

دى كانت تترات مسلسل أبو العلا البشرى
من أبدع ماكتب الخال عبد الرحمان
وأبدع ما لحن الموسيقار الرهيب عمار الشريعى
ومن أفظع ما غني الفنان الجميل على الحجار

Ahmed Mostafa said...

جامدة يا شاهين اوي

Abu Shahin said...

eih elta5er dah ya a7mad
rabna y5alek ya za3em