Tuesday, July 1, 2008

تحية للناظر


للناظر و المتأمل..... عبرة يالالي

بيها يعرف ان حياتنا بقت ترالالي

الضحكه بقوه عظيمة .. ومعاها يقولي

م الحزن هشق هدومي و أضرب متولي



للناظر و المتأمل ..عبرة يا لالو

أصحاب النظرة بييجوعندي و يحولَو

و تهاتي وتشكي لطوب الأرض يولو

ولزوم الخفة يغلو ..صحيح بيسلو



للناظر و المتأمل ...عبرة يا لالا

بإدينا نسقف اوي... لحرامي الحلة

و نقول حوارات ،شعارات مع كلا و بلا

يا شريف القوم اتنيل ....موت م العلة


للناظر و المتأمل عبرة كبيرة

يعرف ان البني آدم ليه تسعيرة

مكروش الجيب بيساوي وغيره ده عيرة

و اتشقلب حال الكون و الناس و الجيرة




للناظر و المتأمل عبرة يا لالي ..

الي من بيحب يضيف و يعقم ...قولي



..zamzooma أسماء



4 comments:

ahmed afandy said...

هي جامدة
بس مش عارف كان ممكن تطلع منك احسن من كده
بس حلوة

Noha El-arabi said...

انا اوافق احمد في رايه
بس جود وان

Heba said...

حلوه يا اسماء بس بصراحه مش حاساها شعر اد ما حاساها خاطره بس هى جميله ولو تعرفى ممكن تعدليها اكتر من كده

Anonymous said...

в итоге: спасибо! а82ч