Saturday, July 5, 2008

ألف وواحد كتاب لابد أن تقرأها قبل أن تموت



اقرأ هذه الكتب ومت مستريحا ... عنوان لفت نظري في جريدة، موضوعا طويلا خلاصته، أن شخصا ما ببريطانيا، بحث وسأل أكاديميين ومثقفين عن أفضل الكتب التي يجب على المرء قراءتها، وصنفها وأوردها هذا الكتاب .. أي أن هذه الكتب هي الحد الأدنى الذي يجب قراءته لمن يزعم لنفسه أنه مثقف ...قرأت هذا وشعور ما الاحباط بداخلي ينمو، أنا لم أدع يوما أنني مثقفة ولكن أدعي أنني أحاول أن أكونها، فان كان هذا هو الحد الأدنى فالأمر إذن يتطلب مني أضعاف المجهود الذي أبذله الآن. ولعلمك، هذه القائمة تخص الكتب الانجليزية ومن بعد الحرب العالمية فقط أي أن هناك أطنانا من الكتب لم تدرج

أفتح التليفزيون لأجد تسجيلا قديما مع مصطفى محمود استعادوه لمجرد احباطي .. لأتذكر أنني لم أقرأ بعد كل كتبه ولأجده يقول أنه قرأ كثيرا في كل العلوم حتى يستطيع أن يكون فكره الخاص ولأراه يذكر أسماء كتب وأنا أكتب وراءه وأشعر كأن الصداع سيخرج من رأسي يضربني قلما ويعود مرة أخرى اليها.

أول يوم أجازة .. قمت بزيارة سريعة إلى مكتبة مبارك .. كان هدفي أن ألقي نظرة عامة على الكتب والإجابة على سؤال : ماذا لديكم لأقرأ؟ .. والحقيقة أن الجواب كان مستفزا جدا ... فهم لديهم كل ما فكرت أن أقرأه ومالم أفكر في قراءته ولكن تجب علي قراءته وكم آخر من الكتب يمكن ادراجها تحت قائمة "هبقى أبص عليهم".

متى كتبوا كل هذه الكتب؟! أأنا متأخرة إلى هذا الحد؟ وهل هذا التأخر نتيجيته أني ولدت في أواخر الثمانينيات، حيث كان شكسبير وبلزاك ودستويفسكي وديكنز والغزالي ومصطفى ومحمود و العقاد ويوسف ادريس وطه حسين والجاحظ وابن سينا وأسماء أخرى كثيرة أعرف بعضها ولكن نسيته وأجهل معظمها، كتبوا كل كتبهم وألفوا أروع مالديهم وصار لهم في مكتبة مبارك هذه المجلدات المستفزة التي تسمى "الأعمال الكاملة" ؟ أم أن هذا التأخير الفظيع سببه أنني بدأت أدرك مؤخرا أهمية أن يكون المرء ذو قدر ما من الثقافة والإطلاع وأنني تعرفت مؤخرا على مصطلح الحد الأدنى من المعرفة؟


ولاحظ أن قراءتك لهذه الكتب لا يعني أبدا أن تتوقف عن قراءة الجرائد اليومية والأسبوعية إضافة إلى أنك لست متفرغا تماما للقراءة بل تعيش كانسان طبيعي. تؤدي ما عليك من واجبات والتزامات وأنك من حقك أيضا بعض من الترفيه التافه ومن حقك أيضا قضاء وقت مع نفسك لا تفعل فيه شيئا.

وبالنظر إلى المقدمات نصل الآن إلى نتيجة مؤكدة وهي أن لدي أكواما وأطنانا من الكتب لأعرفها، أنا أحب القراءة والله العظيم ولا أعترض على قضاء الله ولكن مجرد تفكيري في أنني سأقرأ كل هذا ليكون لدي الحد (الأدنى) من المعرفة يصيبني بالصداع. فإذا كان هذا هو الحد الأدنى فأين الحد الأقصى؟ وهل يستطيع شخص ما أن يقرأ كل ما كتب في العالم في تخصص واحد على الأقل؟ بمعنى هل من الممكن أن نجد كاتب روائي قد قرأ كل روايات العالم؟ أو هل من الممكن أن نجد طبيب نفسي قرأ كل مايمت للعلم النفسي بصلة؟ ان وجد هذا الشخص فاقتلوه، لأنكم ان لم تفعلوا سيموت من حقدي وحسدي عليه.

إن هذا الحد الأدنى من المعرفة سيقتلني يوما ما فقد أصبح معرفة بذاتها تستحق مني أن أقرأها وأنا أريد أن أفعل ولكن كيف؟ وهناك سؤال آخر ولا مجال لمناقشته وهو ان كان كل هذا الكم من الكتب قد كتب بالفعل .. فماذا يمكن لشخص مثلي أن يضيف؟

Somaia

10 comments:

Abu Shahin said...

يارب يبقى اول تعليق يارب :)

نفس الشعور الذى يختلجنى كثيرا والله يا ست يا سمية الواحد مش عارف هايقرا الكتب دى كلها امتى .. حاجة تحير

Anonymous said...

Howa el mafrood enek "to Do ur best" mesh teya2esy nafsek

and about what will u add, if every one said that from the start, u wouldn't find that amount of books now ......

so this sea of books is made of litte drops each drop of water is a book , u can add to this sea ;)

Mawdoo3 laziz Somia



IonFox

Mostafa said...

maho ya somaia msh ma32ool kol elly katabo l kotob de a7sn mnnek wla azka mnnek......w b3deen mawdoo3 n l wa7ed yb2a 2ra kol 7aga f mgalo da kan zman....now zay mnty bt2ooly feh million ktab f kol 7aga...l fekra b2a ennek tfokkek mel 7agat l mokrra w mat2reesh 7aga 3shan yb2a esmek 2areteeha.....adeeha 3 ....:D

ahmed afandy said...

ما تقري اللي بتحبيه وخلاص
هو انتي هتمتحني فيهم؟!!

معاذ said...

أنا برضه لما قريت العنوان فى أخبار الأدب قلت أشتريها علشان أعرف ايه الكتب دى اللى لازم اقراها قبل ما اموت
بس اتخنقت لما بدأت فى قراية المقال وبصراحة مقدرتش اكمله لأن الراجل المترجم للمقال مش قد كده وبعدين معظم الكتب أدبية وروائية وبتعبر عن ثقافات مختلفة وغريبة عننا
وبعدين موضوع الثقافة ده مركب جدا وصعب الواحد يقدر يحدد وسيلة واضحة وفعالة ومضمونة علشان يبقى مثقف لأن ده بيتوقف على فهم الشخص للثقافة
فى مفهوم شائع اللى هو أن تعرف بعض الشئ عن كل شئ وتعرف كل شئ عن شئ
بس المفهوم ده قاصر جدا لأنه مفهوم معلوماتى لأقصى درجة
قريت للدكتور احمد خالد توفيق تعريف للثقافة بأنها كيفية توظيف الانسان لما يعرفه فى التعامل مع المجتمع المحيط ومتهيألى ده تعريف أشمل وأصح
ثم إن الثقافة الشخصية ليها شقين .. شق معلوماتى وشق فكرى..المعلوماتى ممكن نحصل عليه عن طريق تطبيق التعريف الشائع للثقافة...إنما الفكرى بقى هو اللى مركب وغير واضح المعالم وبيخضع لعوامل كتير ممكن تشكله
في النهاية الفكر يصنع ولا يلقن أو يقرأ لكن طريقة التفكير والنظر للأمور هى اللى ممكن تصنع أو تتشكل وتتغير
وبعدين الكتب فعلا كتير جدا...بس قليل اللى بينفع أو بيشكل اضافة حقيقية
أنا اقدر اقول عن نفسى انى استفدت من كتب جلال أمين لوحده اكتر من اى حاجة تانية قريتها فى حياتى ... أما الأدب فبيشكل الوجدان وبيهذب الحس بغض النظر عن اى حاجة تانية

عايز اقول متركزيش على الكم...ركزى اكتر فى الكيف
وشدى حيلك واقرى

Noha El-arabi said...

احب احييكي حقيقي
جدااااااااااااااااااااااااااااااااااا
انا دايما الموضوع ده في دماغي
ضيفي عليه كمان كتب الكتاب الشباب
يعني حاجة تجنن
و ملهاش حل

Heba said...

بصي يا سميه انا مؤمنه جدا انى وانا بكتب الكومنت ده بعمل حاجه جديده معملهاش حد غيرى وانا بزاكر فى ورقه وارميها بعمل حاجه معملهاش حد غيرى لان مفيش حد اسمه زى اسمى وخطه زى خطى وبياخد نفس منهجى وبيزاكر بنفس طريقتى ولا قاعد نفس قعدتى وانا بزاكر
مفيش اى حاجه شبه اى حاجه
احب اقولك انى اكتر حد قريتله هو عبد الوهاب مطاوع قريتله كتبه خمس ست مرات ولما يكون ليا مزاج اقرا ومودى عالى بطلع كتاب قديم عشان بيمزجنى اوى اقرى اللى تحبيه يا سميه مش اللى مفروض تقريه

انتى اكتر واحده فينا بتقرى كتب اساسا انتى مبتنزليش من بيتكو من غير كتاب فى ايدك اصلا...

نعناعة said...

بصي يا سومة زماااااان وانا في ابتدائي كان في موضوع قراءة مقرر علينا الموضوع ده مقال لعباس محمود العقاد بيتكلم فيه عن القراية .. خلاصة المقال عجبتني جدا وفضلت معلقة في راسي لحد دلوقت الخلاصة بتقول
اقراء ما تحب تستفد
اقري الى يعجبك وقت ما يعجبك القراءة هواية مش واحب وطني مقدس وبالتالى لازم تقبلي عليها وانت رايقة مبسوطة ومش حاسه بأي ضغوط زي ما بتعملى مع أي هوايه تانية

لكن طبها هذا لايمنع أن أغبط الاستاذ صاحب المكتبه الي في الصورة دي

Somaia said...

الأول بس أنا عايزة أقولكو ان المقالة ديه اتنشرت في الدستور العدد بتاع يوم أربعاء مش فاكرة كام بظبط بس اهي نزلت وخلاص
والله يبارك فيكو مقدما

استعنا على الشقا بالله نرد بقى

@Abu Shahin:
نولت شرف انه يبقى أول تعليق اهه
بصرف النظر عن يختلجني ... أحب أقولك اني اكتشفت انك بس ابدأ وهتلاقي نفسك بقيت دودة كتب تلتهم الكتب

@Ionfox:
عندك حق اني المفروض ما أقولشي لنفسي كلام يوصلني لمرحلة اليأس
أنا اقتنعت على فكرة بكلامك هو بس أنا كان لازم أعبر عن شعور اختلجني (على رأي شاهين) انه في مرحلة ما هوصل لأنني محتاة أقرأ ده عشان لازم أعرفه
ما ينفعشي ما ببقاش عارفة الكلام ده
حلو التعبير بتاع البحر والقطرات ده فعلا ممكن الواحد دوره ما يبقآش واضح أوي بس احنا بنصب في بحر كبييير أوي
شكرا
:)

@Mostafa:
أهلا وسهلا
من جهة أحسن وأوحش لأ طبعا أنا أحسن مش محتاجة كلام
فعلا الكتب كترت أوي لدرجة انها بقت بتكرر نفسها ألف كتاب فيه نفس الأقسام تقريبا
فيه ملحوظة: أنا لسه ما وصلتش لدرجة اني أعمل قايمة فيها مليون كتاب بشطب فيها على الكتب اللي أفتح أول صفحتين فيها
لأ أنا لما بقرأ كتاب بفهمه يعني وببقى متعايشة معاه

@l Afandy:
يعني لو واحد بيحب الآيس كريم أوي وبقية الحاجات عاددي يعني بالنسبة له ... طبيعي انه يفضل ياكل آيس كريم طول عمره عشان هو أكتر حاجة بيحبها؟

@ Mo3az:
كلامك بيكيفني أوي والله العظيم
تعريف الثقافة بتاع أحمد خالد توفيق تعريف قوي
لأن مافيش معنى ان يبقى فيه واحد حافظ موسوعات ومجلدات وماعندوش القدرة انه يتعامل مع البشر والظروف اللي حواليه
هو بس واضح ان الناس فاهماني غلط نوعا ما
يعني معظم الناس متخيلة اني عاملة قوائم وكده وان بقعد أفكر بقى ان الكتاب ممكن نستبدله بده وهكذا
الواقع غير كده
الواقع اني بقول الحد الأدنى من المعرفة
أنا المفروض أبقى بعرف في كذا وكذا
بقول مثلا أنا عايزة أقرأ شوية في علم النفس
ولما بقرأ الكتاب مش ببقى مركزة أنا هخلصه امتى لأ ببقى بقرأه عادي زي ما الانسان الطبيعي بيقرأ بتركيز ويطلع ملاحظات ويحاول زي ما انت قلت يصهره في بوتقة دماغه

في النهاية الفكر يصنع ولا يلقن أو يقرأ لكن طريقة التفكير والنظر للأمور هى اللى ممكن تصنع أو تتشكل وتتغير

صح بس مش برده تتفق معايا ان واحد زي أحمد خالد توفيق ملم بأكثر من علم ومعرفة؟ وحد يقدر يقول ان لولا علمه في أكثر من حاجة ما بقيتشي القصة لأحمد خالد توفيق تساوي أكثر من مجرد حكاية فعلا؟؟

@Noha:
يا بنتي أنا بقول كلام زي الفل أصلا
ربنا يكرمني يارب
قولي آمين

@Heba:
أولا بطلي نق عليا اكمن أنا المثقفة اللي فيكو
:P:P
ماشي معاكي في انك بتكتبي حاجة مختلفة أكيد
بس اسلؤال على درجة التأثير اللي ممكن يعملها كلامك ده؟
انتو كل ده بتتكلموا عن القراءة على إعتبار انها هواية
والقراءة مش هواية أبدا القرءة واجب
زي المذاكرة كده
فيه ناس بتحبها وبتبقى بالنسبة له أسهل
مش غلط انك تقري اللي بتحبيه بس لازم تاخدي فكرة عن كل الحاجات عشان تكوني فكرك وثقافتك الخاصة بيكي
ما ينفعشي تقري وجهة نظر واحدة أو نوع واحد من الحاجة
ولا ايه؟

@ نعناعة
نفس الكلام اللي بقوله
لو بتحبي الآيس كريم ما ينفعشي تفضلي تاكلي آيس كريم بس
لازم تاكلي حاجات تانية
اقرا في اللي بتحبه أكتر من أي حاجة
بس اقرا في بقية الحاجات كتير برده
كلي آيس كريم كل يوم بس اتغدي كويس واتعشي كويس برده

max said...

مشكلتك انك واخده موضوع القراءه ده كانه واجب............القراءه دى هوايه تقرأى الكتاب الى يعجبك فى الوقت الى يعجبك من غير ضغوط