Saturday, October 18, 2008

بعد القمار والسرمحه



بعد القمار و السرمحه و الهلس كله......


مفاضلش غير المروحه م العفش كله.......


و فاضل كمان حته حشيش.......


من قرش ماكنتش لفيته كله.......


و ع الحيطه صوره لواحده حلوه.....


لابسه لكن مش لابسه كله.......


و كاسى اللى فاضى......


اللى واقف قصادى.....


و لون التراب.....


خلاه رمادى.....


بقى زيه زيى مالهش عازه.....


اول ما تفضى اخر ازازه....


اصل اللى زيى حيعيش لماذا......


لو عاش لوحده.....


العمر كله.....


مصطفى

13 comments:

iceman said...

its so amazing....
و كاسى اللى فاضى......
اللى واقف قصادى.....
و لون التراب.....
خلاه رمادى.....
بقى زيه زيى مالهش عازه.....
اول ما تفضى اخر ازازه....
اصل اللى زيى حيعيش لماذا......

this part is so fabulous..

but what do you think the one who will find this fact about him will do after that?!!...

Heba said...

فظيييييييييييييعه
يخرب عقلك بجد

انت فنان اخر حاجه

Noha Khattab said...

و كاسى اللى فاضى......





اللى واقف قصادى.....





و لون التراب.....





خلاه رمادى.....





بقى زيه زيى مالهش عازه.....





اول ما تفضى اخر ازازه....

بجد انت مبدع يا مصطفى
كلامك يخش الروح قبل ما يعدى على الودان والعقل والقلب وكل حاجة:)))

Abu Shahin said...

أنا قولت لك رايى خلاص

وبعدين هو انت اساسا محتاج رايى ف حاجة زى دى

azmeralda said...

و كاسى اللى فاضى......
اللى واقف قصادى.....
و لون التراب.....
خلاه رمادى.....
بقى زيه زيى مالهش عازه.....
اول ما تفضى اخر ازازه....

zai kol l nas de 7lwa awiiiiiii
اصل اللى زيى حيعيش لماذا......
لو عاش لوحده.....
العمر كله.....
w meen 2al kda isa ... lawa7dak bzemtk??!!

Anonymous said...

بصراحة جدا
بصراحة مطلقة
انا مش عارفة اقول ايه
انت جبتنى ارض بالضربة القاضية
مافيش كلام خلاص
هقول ايه
انت من الاخر ولو فى اخر بعد اخر حاجة يبقى انت يا مصطفى
ده رايي وبدون اى تاثيرات خارجية
تاثير كلامك اقوى من اى عوامل اخرى
:)

suzy badr said...

حلوه جدا وتحفه ياريت تبعى موعظة
مصطفى انت بجد ملكش حل انت موهــــــــــــــــــــــــــبة

Abu Shahin said...

دى بقت ادمان
بقيت بقراها كل خمس دقايق
يخرب عقلك

vepoo said...

امال مبيبانش عليك ليه :)
طبعا جامدة جدا و معبرة بغباء عن حالة منيلة بنيلة ربنا ميوريهالك - ولاونك شكلك فيها -و... جامدة جدا

ahmed afandy said...

نفسي اعرف مين اللي قالك عليها وحشة!!!

Foxology said...

بقى زيه زيى مالهش عازة
اول ما تفضى اخر ازازة

ايوووووة هى دى :)

جميلة كالعادة يا درش :)

Somaia said...

بينها حلوة بقى أنا هسكت أحسن
:$:$

Anonymous said...

رائع يا مصطفى بجد ...خسارتك فى البلد دى ..تعبيراتك خطفتنى
منة الله محي