Saturday, October 4, 2008

على مد الشوف

.
.
.
.
على مد الشوف
على مد البصر
علامات تعجب
و رفعة و ضمة
و شدات و كسر
حروف و نقط
و صح و غلط
مراكب ورق
مراكب زلط
مفيش مركبة
ليها نور او بصر

طريق طويل
بيفط اعلانات
فيها احلام
اوهام طموحات
متزخرفة فى يفط
مع احلى بنات
لا شايف اللى جى
ولا حابب اللى فات
سايب وراك خراب
و قدامك سراب
لا قلبك صحى
ولا منه و مات

على مد الشوف
على مد البصر
مفيش غير خوف
و قلب اتكسر
لكنه لسه مندى
مع انه اتعصر
هايهرب بعيد
و ينسى البشر
مهاجر
مسافر
لابعد حدود
و نابذ 
و كاره
فكر الوجود
هايهرب و ينسى
دناوة البشر
يمكن يلاقى مكان
فيه ينتصر

.
.
.
.



اخوكم : معتز
SuPeR_mAz


13 comments:

مصرية said...

لا شايف اللى جى
ولا حابب اللى فات
سايب وراك خراب
و قدامك سراب
لا قلبك صحى
ولا منه و مات


ma sha2 2allah
goo on

حمادة زيدان said...

هايهرب و ينسى
دناوة البشر
يمكن يلاقى مكان
فيه ينتصر

الله عليك يا معتز

بصراحة انت فنان وفنان بجد

عجبنوني أوى الشطر بتاع الهرب وكلمة دناوة جميلة جداً ومعبرة أوى عن حالنا

تسلم يا بوب

ahmed afandy said...

على مد الشوف
على مد البصر
مفيش غير خوف
و قلب اتكسر
لكنه لسه مندى
مع انه اتعصر


يخرب عقلك ...معدية بجد

Anonymous said...

حروف و نقط
و صح و غلط
مراكب ورق
مراكب زلط
مفيش مركبة
ليها نور او بصر
ايه الكلام ده
مدهش
وده كمان
مفيش غير خوف
و قلب اتكسر
لكنه لسه مندى
مع انه اتعصر

مش عايزة اقول غير يخرب عقلك يا معتز
نجلاء

Mostafa said...

agmad wa7da ktbtha l7d now ya mo3taz.......7lwa awi....keep it up b2a

Miss. Sosa said...

اول كلامك بسيط ..... زمن بساطه تتشد له
وتوه وتنسي انت بدأت منين ... وتلاقي نفسك وسط بحر غويط
احيك علي كلماتك الدقيقة المعبرة النافذة واللي ف نفس الوقت بسيطه

sarah saied badr said...

حلو اوى يا معتز وبجد انت راءع واسلوبك جميل اوى
ربنا يوفقك ويوفقكو كلكو

sarah saied badr said...

حلو اوى يا معتز وبجد انت راءع واسلوبك جميل اوى
ربنا يوفقك ويوفقكو كلكو

Abu Shahin said...

الله عليك ب يا معتز

ولسه مندى مع انه اتعصر

جبتها ازاى دى

بجد روعة

نسر الشرق said...

الحقيقه انه رغم حلاوه الحلاوه
وتوفر العيش عندكم
مش عارف ليه الناس بتشتكى من غلاء الحلاه وعدم توافر رغيف العيش
ياريت تعملوا مدونه لحمه ورز وكلام جميل زى اللى فى المدونه دى
اتشرف بزيارتكم لمدونتى
http://nisr-elsharq.blogspot.com/

Foxology said...

قلب الوطن مجروح لا يحتمل اكتر
نهرب وفين هنروح لما الهموم تكتر ؟

يمكن نهرب النهاردة بس هنرجع بكرة بقلب جديد نضيف من دناوة البشر وهموم الماضى وقلق المستقبل .. يمكن

تحياتى وفى انتظار الجديد :)

SuPeR_mAz said...

@ مصرية
we only go on with ur support
الحتة دى قريبة من قلبى اوى
نورتينا

@حمدان زيدان
الله يخليك يا معلم
يارب بس مايفضلش ده حالنا كتير
تسلم

@احمد بيه باشا افندى
مرة من نفسى بقى يا عم
انتم عمالين تكسروا الدنيا اصلا

@نجلاء
ربنا يكرمك يا نجلاء
دايما كده بتشجعينا
هاتيجى اللقاء ان شاء الله

@مصطفى
ايدى على كتفك يا كبير

@سوسا
نورتينا
و ربنا يكرمك

@سارة سعييييد
منورة بجد
لولا الكومنت كنت قلت جرالك حاجة

@شاهين
يا كبير انتوا بتوع الكلام الكبير
اعطينى مما اعطاك الله

@نسر الشرق
ياريت يا باشا
بس العين بصيرة و الايد قصيرة
لو كان فيه لحمة و رز كنا عملناها

@فوكس
تسلم يا باشا
و ان شاء الله فيه المزيد و تابع معانا

Anonymous said...

جامدة جدا يا معتز ..انا ساعات مش ببقى مصدقة ان فى شباب قدنا وصلو للفلسفة دى والتفكير ده لانى بشوف الفئة الغالبة هم اللى مش فاهمين اى حاجة ومش عايزين يفهموا حاجة..لو فى زيك ومن اللى زيك كتير يا معتز كانت الدنيا اتقلب حالها..
منة الله محى (منونة)ا