Wednesday, March 4, 2009

يا وطني الله يسامحك




عجبي عليك يا وطن
من وسط حزنك فرحك
الهم طايح في القلوب
ولسه قادر تضحك
رغم الكسرة والمفيش
لسه قادر تعيش
لسه قادر تنسى جرحك
رغم الحزن في الوشوش
لسه ضحكك بشوش
ضحكة تغير لون ملامحك
يا وطني ايه حكايتك؟
جوة قلبي لكني كرهك
مرة قادر تبتسملي
مرة ليه تديني ضهرك
يا وطني الله يسامحك


احمد مصطفى

10 comments:

M.Rabie said...

يا وطنى الله يسامحك

مي الحلواني said...

ويسامحنا احنا كمان على اللى عملناه فيه وفى نفسنا

على فكرة ده اول تعليق اكتبه لك بس انا عامالة اقرأ فى اللى بتكتبه واقول الحمد لله إن فيه لسه ناس كده

AHMED SAMIR said...

والله العيب مش في الوطن
العيب على اللي كاتمين على نفس الوطن

Amr Khater said...

الله يسامحة بقى

Anonymous said...

gamda ya ahmed gedaaaan bgd no comment bahiga

Abu Shahin said...

مجرم

البدري said...

مجهود طيب نابع من احساس صادق ..ولكن توجد بعد الكلمات لم تعطي كمالا للمعاني مثل المفيش...وسأظل ارددها... الفصحي ثم الفصحي ثم الفصحي..واستمر ولا تتوقف

Heba said...

مى عندك حق
الله يسامحه ويسامحنا عاللى عملناه فيه

دعاء مواجهات said...

لا يااحمد يامصطفى

العيب مش فى الوطن ...

Anonymous said...

hm... love this ))