Sunday, April 12, 2009

أن تنطرد...


سبعه نوفمبر تبدأ سنين الشقا...



لاكن معرفش حتنتهى امتا...



و تبدأ سنين العمر تتسرسب بقى...



و العمر يعنى مكنش بيجرى من امتا...



دنا لسه فاكر اول يوم ف المدرسه...



و اول غياب مخدوش...



و اول تحيه للعلم...



و اول طابور ف الحوش...



و اول مره انطرد على ذنب معملتوش...



و من ساعتها ونا بنطرد...



و مبقتش فارق ف العدد...



و من ساعتها ونا بنطرد...



م الفصل...و م المدرسه .....و م البلد

.......
.......


مصطفى

8 comments:

Somaia said...

First Comment:
أنا حبيتها أوي أوي .. وأثرت فيا يا مصطفى
مصطفى، تعالى بقى

enjy said...

وانا كمان....مش حرفيا يعنى بس نفس الطرد كدة

مي الحلواني said...

وجعت قلبـى

مش عارفة اقول لك حاجة غيـر:
مش يمكن مايكونش طرد ؟؟ مش يمكن يكون ده فصل فى المنهج التعليمى فى كتاب حياتنا اللى اتولدنا عشان ندرسه ونمتحن فيه ؟؟

حاول لما تلاقيها قفّلت تدور لها على طريقة مختلفة وزاوية مختلفة تشوفها منها

حياة said...

رؤية جميلة للحياة والدخول والخروج منها واليها كن متفائل

تحياتى

Abu Shahin said...

مجرم

zamzooma said...

7elwa 2wy ya mostafa ..walahy mafish a7la mnzekrayat el tfoola ..kolaha aman ..

mostafa ghazal said...

ده عيش وحلاوة كله حلو طعمه جنان
صوت الاب حضن الام نبع الحنان
وقت البلى تلقى الحبايب تلقى الجيران
تلقى العمام تلقى الصحاب تلقى الخيلان
معى انى عايش بس مش حاسس بالانسان
وده لان فيها كتير وحوش وغيلان
بكرة القدر يجيب الخبر ونقول ده كان
ويرجع ناصر وهتاخد حقك زى زمان
بس ارجع واقولك لسه الحياة فيها الوان

ارجع ماحدش فينا هيطردك

last-knight said...

جميله بحد