Tuesday, February 5, 2008

القلب القماش


الكوتشي اللي باش


م اللف ف شوارعك



يحرم عليه


يبوس ارض غيرك


والقلب القماش


اللي مكوي بعمايلك


لساه معبق


بريحة عبيرك


والواد اللي عاش


طول عمره يحايلك


ونفسه اسمه


ييجي في رسايلك


وتبعتيله تطمنيه


ان انتي عارفة


ان انتي ليه


وان انتي قايمة ونايمة بيه


وقت الشتا يتدفي بيكي


ووقت الخطر تتحامي فيه


وساعة اما بيقسي عليكي


وساعة اما بتدعي عليه


محدش فيكوا بيهنالوا بال


واول ما تصفي تفكي الريال


وتروحي تجيبيلوا كوتشي بدال


الكوتشي اللي باش

مصطفي

8 comments:

SuPeR_mAz said...

وقت الشتا يتدفي بيكي
ووقت الخطر تتحامي فيه

ايه يا عم الجمودية دى....بس انت متفائل ليه...انا اول مرة اشوفك كده

بس حلوة اوى و انت بتنقى الكلمات حلو اوى

azmeralda said...

انا هسكت احسن...لاني لو اتكلمت علي البتاعة دي هقعد اتكلم سنة... اساسا انت عارف راي فيها ايها

Somaia said...

ياحبيبتي يا أم الدنيا يا أغلى الأوطاااااااااااااان
فيه واحد كده شكله بيقول انه قاعد مش ماشي مش انت يا مصطفي :D

Moustafa Shaaban said...

طب هو و عرقناه.......و هي كمان عرفناها....مين الكوتشي ؟؟؟؟؟

Noha El-arabi said...

جمييييييييييييل

Anonymous said...

hwa bashhhhhh awi el sara7a!
gamdaaaaaaaaaaaaaaaaaaaaaaaaaaaaaaaaaaaaaaa! a5er a5er a5er 7aga...
bgad m3adya eh el klam el gamed da msh la2ya 7aga momken a2olha el sara7a!

Anonymous said...

على فكرة القصيده دي جامده موووت وبجد انا معجب بكلامك جدا ربنا يحميك يادرش

Gelaan said...

بجد ايه الجمال دة
توحفه ياخواتي
هههههه
يارب تجيبلو الكوتشي بقه
ههههههههههههه
سلاام