Tuesday, March 4, 2008

غزه.....تانى


سامحونى ياهل غزه اللى غارقه ف الضلام


سامحوا الناس اللى عاجزه يفكوا عقده اللجام


و البيانات اللى جاهزه


و الاشاوس و الجهابذه


اللى حلوين ف الكلام


والخطاوى اللى غارزه ف رمل سينا بالسلام


و اللى واقف ع الحدود


مانع القوت و الوقود


بيقولكوا سبوا الخلود


فوق الكراسى


سبوا القرود و الطبالين


سبوا اللى عامل نفسه ناسى


انه حيعود تانى طين


سبوا الفيران


اللى ماتت م الخوف ف الجحور


سبوا اللى قال


الارض ماتت مش ممكن تثور


سبوا اللى شايف النسور


و لسه بيربى الحمام


سبوا اللى مانع الكلام


سبوا اللى نفسه الناس تنام


سبوا اللى قال شدوا الحزام


و نايم فوق ريش النعام


و ابقوا قولوا للإمام


قبل اما تدعى ع اليهود


ادعى على ولاد الحرام



مصطفى

7 comments:

Ahmed Mostafa said...

ايوة كده ياعم اصرخ خلينا نصرخ معاك
ما احنا لو ماصرخناش.... هنتجنن

واحد مثقف said...

غزة تاني علي فكرة اانا بفكر كتير ممكن نعمل ايه لغزة في ظل غنوع العرب الحكام وفي الاخر ما بلاقي غير الكلام أقصد الدعاء

Abu Shahin said...

سامحونا يا أهل غزة بجد .. سامحونا
بجد مش عارف الاوضاع دى اخرتها ايه .. ايه ذنب الاطفال اللى بيموتوا كل يوم ..شوف انت الموضوع استفزك وخلاك تكتب من امتى .. قبل ما الوضع يتدهور بالشكل الحالى ... مش عارف الايام الجاية ايه اللى هايحصل فيها



وبالنسبة للقصيدة انا قلتلك رايى فيها قبل كده

zamzooma said...

ياااااااااااااااا رب ...فلسطين جديرة بعطف و رضاك....

zamzooma said...

ياااااااااااااااا رب ...

Anonymous said...

قبل ما تدعى على اليهود ادعى على ولاد الحرام
الله
جميله جميله
وبتاكد الفكره اللى انا طول عمرى مؤمنه بيها صلح جوه يتعدل بره
بس تسلم الدماغ بجد

بنت القسام said...

يكفينا قولا
حسبي الله ونعم الوكيل
سلام