Saturday, August 16, 2008

غربة




من زحمة طلعت حرب

وشمسه الدافية

لواحد عناب ساقع

على قهوة بلدي

ورا سنيما اوديون

وصوت الشيخ في ودني

بادان العصر

لكني ليه مش حاسس

اني ماشي ف مصر؟
احمد مصطفى

14 comments:

Heba said...

جاااااااااااااااااااامده
بس انا بردو مختلفه معاك اوى لان اكتر حته بحس فيها انى فى مصر هى الحته اللى انت بتتكلم عليها ووسط البلد عموما ولا انت قاصد حاجه انا مفهمتهاش

والقهوه اللى انت بتتكلم عليها ديه اخويا بيحبها اوى وياما حكالى عليها

حلو اوى القصائد القصيره عليك يا احمد
:)

Abu Shahin said...

القهوة دى اللى ف شارع معروف

اجدع قهوة فيكى يا جمهورية مصر العالمية

والله اكتر حاجة بتحسسنى انى ف مصر هى القهاوى

جامدة كالعادة يا احمد

شفقة هانم واحسان بك said...

لان على راى الباشمهندس عدوية زحمة يا دنيا زحمة

كلبوزة لكن سمباتيك said...

لان الوشوش فقدت الروح و الهم حل محل البسمة و الناس مبقتش هي هي

كل ده بيحسسني اني مش في مصر


تحياتي

Amgad said...

فعلا يا اخي
الواحد حاسس انو غريب في بلده

Gelaan said...

جميله ماشاء الله
تحياتى
جيلي كاستر

Noha El-arabi said...

انا قلت الولد ده موهووووووب
الله عليك يا احمد

blue-wave said...

لأن كل حاجه بقت مغشوشه
حتى صوت الأذان
تحياتى

دعاء مواجهات said...

مش عارف لية مش حاسس

؟؟انك ماشى فى مصر

اقولك انا

لآنة بالرغم من الوجوة والملامح المصرية إلا أن الشكل وطريقة اللبس والتعامل لم تعد مصرية

بالرغم من

الفاترينات والكوفى شوبات التى تملئ شوارعنا المصرية
إل انك بمجرد النظر للافتة المعلقة أعلاها

توشك على اليقين بأنك فى بلد اوروبى او اجنبى

بالرغم من حبنا لبلدنا الا اننا لسة مش قادرين ولا شايفين اننا قادرين نعملها حاجة

حين إختلف الجوهر وتناقض مع المظهر

حاول الجوهر ان ينتسب قدر الإمكان للمظهر

فكانت الهوية المصرية المشوهه التى نحياها فى ازهى عصورها

حاليا

(تصفيييييييق حااااااااااد)

لا بس هو دة الواقع فعلا من وجهة نظرى

تقبل تحياتى ع كلمتينك اللى

أثارو حاجات كتير جوايا

بييس

YOTTA said...

بحب اسلوب العامية البسيط الحقيقى اوى ده
وف الجون
..
.

بس عارف ده بقى عادى جدا كل الحاجات فقدت معناها
وكلها بقت شبه بعض
لا شىء جديد ولا شىء مميز

ahmed afandy said...

الف شكر يا هبة
بس انا فعلا وقتها
ماكنتش حاسس ان دي مصر

ابو شاهين
ربنا يخليك يا معلم
عارف انك بتاع قهاوي
: p

شفقة هانم واحسان بك
احنا عدينا مرحلة الزحمة دي من زمان
احنا وصلنا للدنيا خربانة دلوقتي
: )

كلبوزة لكن سمباتيك
عندك حق في كل كلمة بجد
مبقيناش احنا

Amgad
اذا اعتبرنا انها لسه بلده
اشكر مرورك

Gelaan
الف شكر يا جيلان
مبسوط انها عجبتك

نهى العربي
ربنا يخليكي بجد
انا كده هتغر: )

blue-wave
شكلك شايل اوي
اشكر مرورك

دعاء
عندك حق
بجد مابقتش عارف ايه اللي غيرنا
اشكر مرورك

يوتا
فعلا عندك حق
كمان تحسي ان كل حاجة بتبوظ

Abozaid said...

آه يا ابو حماد لمست قلبي وقلت باسلوب بسيط وروعة اللي انا حاسس بي بس انا فهمت كلامك من وجهة نظري الشخصية وهي اني انا الي حاسس اني غريب في البلد دي روعة يا احمد ربنا يوفقك

hager za3bal said...

بجد جميله اوي
انا كتير بحس الاحساس دا
عشان البلد زي ناهي
كل حاجه زي ماهي لكن وشوش الناس اتغيرت
وبالمناسبه
انا كنت كاتبه حاجه عن الموضوع دا
ياريت تعجبك
كنت أتجول وأخذتني قدماي الي حيث لا أدري
فاءذا بي في المكان الذي يستريح فيه قلبي..
ولكني أحسست بغربة موحشة في هذا المكان..
الشوارع كما هي..
الأشجار كما هي..
المنازل كما هي..
لم يتغير شئ قط..
ولكن تغيرت وجوة البشر..
تغيرت الوجوة المألوفة التي تعودت عليها
ورأيت نفسي بين وجوة جعلتني أتسأل:
أهذا حال الدنيا؟؟
أم أنا الحيران؟؟!

ahmed afandy said...

abozaid

متشكر جدا ربنا يخليك
مبسوط انها عجبتك

hager
تعليقك جميل
وخاطرتك اجمل
اشكر مرورك