Friday, March 13, 2009

ضربا من الخيال .. مافيش حاجة اسمها كده أصلا


ضربا من الخيال .. مافيش حاجة اسمها كده أصلا






منذ حوالى 14سنة من الان .. كان هناك ولد قطوط ..اللى هو انا.. قاعد مع ابوه على كنبة الانتريه .. وامامهم ترابيزة .. ترابيزة الانتريه ..كان ابى يعلمنى وقتها كيفيه رص الحروف جنبا الى جنب لتكوين كلمة (احمد).. وبعد المشقة والعناء الطويل.. وبعد عده محاولات فاشلة .. تمكنت اخيرا من رسم كلمة اقرب ما تكون لكلمة احمد .. واعتبر ابى ذلك انجاز وحثنى على تحسين خطى فى المرة القادمة.. وبالفعل بدات اتدرب على تحسين خطى بالقدر الكافى حتى يصبح على الاقل مقروء.. وبالفعل كللت المحاولة بالنجاح وبقيت باعرف أكتب أحمد .


بدات افتح عينى على الدنيا اكتر واصبح من الضرورى معرفة كيف اكتب عنوان منزلنا .. وجلست مره اخرى مع ابى وبدا يعلمنى العنوان ؛ كانت هذه المرحلة اصعب من الاولى فبعد ان كانت اقصى طموحاتى كتابة كلمه واحدة اصبحت اطمع فى ان اكتب عنوان بيتى كاملا .. ولكن وبعد محاولات فاشلة كثيرة .. تمكنت ايضا من كتابة عنواننا.


لا اريد من كل هذه المقدمة ان اشركك فى تفاصيل دقيقة لحياتى لا هاتقدم ولا هاتاخر.. ولكن لا ادرى لماذا تذكرت هذين الموقفين عندما مسكت الورقة والقلم.. وهممت بكتابة هذا المقال.. فهل كان يحلم الولد القطوط اللى كان قاعد مع أبوه على كنبة الانترية فى أول المقالة ..اللى هو انا.. وقدامهم الترابيزة ..اللى هى ترابيزة الانتريه..هل كان يحلم انه فى يوم من الايام سيرص كل هذا الكلام اللى حضرتك قريته من شويه جنب بعضه؟! .. وهل كان يحلم أن ينشر كلامه هذا فى أكبر جريدة فى مصر وبجوار كاتبه المفضل .. ارد انا ..لا طبعا بل ازيد انه كان يعتبر ذلك ضربا من الخيال ولو كان حد قاله كده.. كان رماه بتهمة الجنون .


ف والنبى يا جدعان بلاش موضوع ضربا من الخيال ده .. عارفين ليه ؟! .. لان أى شئ ف الكون ممكن يحصل .. وف اى وقت.. طالما انت عايز ومصدق ومؤمن باللى انت عايزه.. وعشان كده احب اقولكم بقلب جامد ..........

احلمــــــــــــــــــــــــــــوا




أحمد شاهين..

الدستور .. ضربة شمس

18/12/2008


11 comments:

Dina said...

بيعجبنى فيك يا شاهين ايمانك الدائم ويقينك بقدرتك على فعل ما تريد فعله
عشان كده بحسك دايما متصالح مع نفسك ومع العالم
يمكن عشان فى قرارة نفسك واثق ان الدنيا لسه قدامك وانك لما تحب تعمل حاجة هاتعملها وكل حاجة هاتيجى فى وقتها

أنا كده اوى
بجد بتمنالك الخير من كل قلبى ونفضل صحاب على طول

ولو انى مش هافوتلك حكاية السمكريةدى
أنا يتقالى كده برده لأ وكله كوم وموضوع الاجرام ده كوم تانى
انت يا بنى فاكرنى واحد صاحبك قاعد معاك على القهوة :)))

V.Hayat said...

الحياة حلم والآلم حقيقة

تحياتى

Unknown said...

والله يا واد يا أبو شاهين كان لسه المقال ده تحديدا فى دماغى النهاردة

100/100

مفيش حاجة اسمها ضرب من الخيال

البدري said...

يا شاهين يا بتاع الخيال انته يا جامد
:D:D
ودي بقا حته من عندي كده ليك وللزمن بردو
(لا تجعل لطموحك سقف ,فانك ان جعلت لطموحك سقف ربما ستصعد يوما ولكنك ستصتدم به وتسقط)وافهم انته العلاقه بقا
:D:D:D

دعاء مواجهات said...

فكرااة انا كلامك دا كلو حرف حرف

بس على اما عتقد اسمها

درباً

وليست ضربا ً

بيس يامعلم

Unknown said...

قريت المقال ايامها وعجبنى جدا
احمد شاهين شخصيا حد ظريف جدا وعسول ويا سبحان الله بنى ادم كدة عادى زينا مع ان دماغه جامدة يعنى
طبعا دة انطباعى لما شفتكم كلكم فى حفلة عيش وحلاوة

دودو هى ضربا فعلا مش دربا ضربا يعنى نوع ....نوع من انواع الخيال
سلام عشان مبحبش كلمة بيس

moro_wbs said...

معاك في كل كلمه .. ومبروك انك موجود في اكبر جريدة في مصر ...

ولو بطلنا نحلم .. نموت ...

Mostafa said...

7lemt addak w ymken aktar..
l 7elm l akhdar mknsh y2dar...

sweety_soul said...

ana fkraaah awe
w 3gbny w eftkrt brdh ayam ma kont bt3lm aktby esmy
nice:)

تأثير الفراشة said...

حضرتك معاك حق جدااا و انا كنت قرأت فعلا المقالة دى فى جريدة الدستور بس من فترة، بالتوفيق إن شاء الله
تقبل مرورى

http://a-butterflyeffect.blogspot.com/

محمد مرشدزاده said...

الا یا ایها الساقی ادر کاساً و ناولها

که عشق آسان نمود اول ولی افتاد مشکلها
...
حضوری گر همی خواهی از او غایب مشو حافظ
متی ما تلق من تهوی دع الدنیا و اهملها
شاعر من ایران:حافظ الشیرازی