غسل قلوبنا المطر
زي ما غسل شوارعنا
ورسملنا ابتسامتنا
طب كنا فين ورجعنا
ده جه في وقته تمام
طيّرنا فوق وطلعنا
شال من كلامنا الزهق
والخنقة من مواضيعنا
في شاب حيران واقف
حوالين الفكرة طايف
يمكن في يوم زي ده
راح ييجي ويودعنا
وشاب طفل مزقطط
واقف عمال يتنطط
بيقول نحسبها ليه؟
م الجد خلاص شبعنا
وبنت واخدة راحتها
نقط المطر صاحبتها
بتقول هنطير لفوق
ومين بقى هيمنعنا؟
وبنت رافعة العلم
لاقية لفرحتها معنى
وعيون الناس علينا
بيقولو ازاي واشمعنى
اصلهم ميعرفوش
ده خلاصنا من مواجعنا
بينا وبينه كلام
لو قربت هتسمعنا
غسل قلوبنا المطر
زي ما غسل شوارعنا
ورسملنا ابتسامتنا
طب كنا فين ورجعنا
واهو ماشي خلاص سايبنا
رايح لفين وبايعنا
للخوف يتحكم فينا
من تاني يجمعنا
من ارضنا هيقلعنا
وف ارض خوف يزرعنا
غسل قلوبنا المطر
زي ما غسل شوارعنا
ورسملنا ابتسامتنا
طب كنا فين ورجعنا
احمد افندي
7 comments:
يا أحمد تسلم ايدك لانك عبرت عن الحالة أوي ... وكمان اهم حاجة يا جماعة أنا حسيت فعلا ان المطر غسلني
تحفه بجد
المدونه كلها رائعه
المواضيع كلها حلوه ودمها خفيف
GO ON
تحياتي
tsda2 nfsy nakhod soora kolna t7t el mtra wlahi w n7ottha 3al blog.........gmda kal3ada yabo 7meed
بتغسلنا فعلا رغم ان انا اللي اجيتك الفكرة بس انت أبدعت يا فنان
التلميذ تفوق على أستاذه
:P:P
عاجباااااااني
gamda moooooooot ya modhesh ....bas t5aly l wa7d bardan aktar ma hwa ....msh n3ml 7sab l nas elly 3andaha bard
walahy 100% ,,,, w fe3lan lama el donya matart nesena kol 7aga w 3eshna bgd,,,,rbna yeg3l ayamna kolaha matra w ahmed yektb 3aleha
yaaaaaaaaaaaaaaaah
zekryaaaaaat
Post a Comment